ഇപ്പോള്‍ ഗുജറാത്തിനെ സഹായിക്കുന്ന ബച്ചന്‍ , അതെന്തിനെന്നു ഏവര്‍ക്കും അറിയാവുന്നതല്ലേ - പുള്ളിക്ക് ചില ആനുകൂല്യങ്ങള്‍ ഗവേര്‍മെന്റില്‍ നിന്നും വേണം . അപ്പോള്‍ പിന്നെ അത് നേടാനുള്ള ഏക വഴി അവരെ അങ്ങോട്ട്‌ സോപ്പിടുക എന്നത് തന്നെ . നാട്ടിന്‍പുറത്ത് അരി കടം കിട്ടാന്‍ കുഞ്ഞതോലിന്റെ സൌന്ദര്യം വര്‍ണിക്കുന്ന അയല്പക്കക്കാരെ നാമെത്ര കണ്ടിട്ടുണ്ട് ? കല്യാണത്തിന് സ്വര്‍ണം കടം കിട്ടാനും ഈ സൂത്ര പ്പണി ആവശ്യം വരും .അത് പോലെ ഒരു സെറ്റ് അപ്പ്‌ ആണ് ബച്ചനും.
ഗുജറാത്ത്‌ ഇനെ ബഹിഷകരിക്കണം എന്നൊക്കെ ആണ് അഭിനവ താലിബാനികള്‍
ഇപ്പോള്‍ പറയുന്നത്. നല്ല തമാശ. അമൂല്‍ ബട്ടര്‍ , ഘീ ഇവയൊക്കെ ഇനി കഴിക്കരുതത്രേ . മലയാളി ആയ ഡോക്ടര്‍ വീ കുര്യന്‍ ആണീ പരിപാടിയുടെ തുടകക്കാരന്‍ എന്ന് ആരെങ്കിലും ഓര്‍ക്കുമോ ആവോ ? അദ്ദേഹത്തിന്റെ ഉപ്പും വിയര്‍പ്പുമാണ് അമുലിന്റെ വിജയത്തിന്റെ ആണിക്കല്ല്.
ഇനി ഇന്ത്യക്കാര്‍ ഉപ്പു കൂട്ടരുത് എന്നും ചിലര്‍ പറഞ്ഞു കളയും.കാരണം ഏറ്റവും കൂടുതല്‍ കടല്‍ത്തീരം ഗുജറാത്തില്‍ അല്ലെ ? ബച്ചന്‍ അഭിനയിക്കുന്ന പോളിയോ തുള്ളി മരുന്ന് ആരും കുടിപിക്കരുത് എന്നും പറഞ്ഞേക്കാം . വേണ്ടാത്ത ആദര്‍ശത്തിന്റെ പേരില്‍ കുഞ്ഞിനു പോളിയോ തുള്ളിമരുന്നു കൊടുക്കാതെ , തളരവാദം പിടിപെട്ട കുട്ടികള്‍ മലപ്പുറത്തുണ്ട് . ഇനി അത് കൂടുമോ എന്നെ കാണാനുള്ളൂ .
കുട്ടി ബച്ചന്‍ ആദിത്യ ബിര്‍ള ഗ്രൂപിന്റെ ഐഡിയ യുടെ പരസ്യത്തില്‍ തിളങ്ങി നില്‍ക്കുന്ന കാലം ആണല്ലോ ഇത്. നമുക്കിനി ഐഡിയ യും ഒഴിവാക്കണം . നമ്പര്‍ പോര്ടബിളിടി മെയ്‌ ഇല വന്നാലുടനെ അഭിനവ താലിബാനികള്‍ അങ്ങനെ തിട്ടൂരം ഇറക്കും. വിടിയോകൊന്‍ ടീ വീ , ഡി ടീ എച് ഒക്കെ ഇനി നമുക്ക് വേണ്ടി വരില്ല.
ഇങ്ങനെ ഒക്കെ നമുക്ക് ഗുജറാത്ത്‌ കലാപത്തില്‍ പെട്ടവരെ സഹായിക്കാം . അവര്‍ക്ക് നീതി ലഭ്യം ആക്കാം.
കശ്മലന്‍ ഒന്നേ പറയുന്നുള്ളൂ ...നമുക്ക് മോഡിയെ എതിര്‍ക്കാം , ഗുജറാത്തിനെ വേണ്ട .
No comments:
Post a Comment